Түбән Камада 19 июньнән «Җәяүле» профилактик операциясе башланды

Түбән Камада җәяүлеләр катнашында юл-транспорт һәлакәтләре санын киметү максатыннан полиция хезмәткәрләре «Җәяүле» профилактик операциясен үткәрәчәк.

Бу хакта Россия Эчке эшләр министрлыгының Түбән Кама муниципаль районы буенча ЮХИДИ бүлеге хәбәр итә.

Моннан тыш, Түбән Кама дәүләт автоинспекциясе хезмәткәрләре җәяүлеләргә яктылык кайтаручы аксессуарлардан файдаланырга, ә машина йөртүчеләргә җәмәгать транспорты тукталышларына һәм җәяүлеләр кичүенә якынлашканда, хәрәкәт тизлеген киметергә киңәш итә.