Полиция хәбәр итә
Түбән Кама районында наркоҗинаятьләр саны 51 процентка арткан
Моннан тыш, быел авыр һәм аеруча авыр наркоҗинаятьләр саны арткан.
Түбән Кама районында 2023 елның соңгы ун аенда наркотиклар белән бәйле 250 җинаять теркәлгән.
Россия Эчке эшләр министрлыгының Түбән Кама районы буенча идарәсе матбугат хезмәте мәгълүматлары буенча, узган елның шул ук чорында аларның саны 165кә җиткән.
Моннан тыш, быел авыр һәм аеруча авыр наркоҗинаятьләр саны арткан — быел 189 булса, 2022 елда — 78.
2023 елның гыйнварыннан октябренә кадәр Түбән Кама районында 3,8 мең граммнан артык наркотик законсыз әйләнештән алынган.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев