Түбән Кама дәүләт автоинспекторлары балаларны машинада йөртү кагыйдәсенең үтәлешен тикшерә

Түбән Камада балаларны машинада йөртү кагыйдәләрен бозуны кисәтү максатыннан профилактик рейдлар үткәрелә, шулай ук шоферларның куркынычсызлык каешларын эләктерүе дә тикшерелә. Бу хакта шәһәрнең Дәүләт автоинспекциясе матбугат хезмәте хәбәр итә.

Ел башыннан балаларны машинада йөртү кагыйдәләрен бозуның 300 очрагы ачыкланган. Куркынычсызлык каешларын кулланмаган өчен 3 800дән артык беркетмә төзеде.

Исегезгә төшерәбез, балаларны машинада йөртү таләпләрен бозган өчен штраф 3 меңнән 100 мең сумга кадәр тәшкил итә. Ә эләктерелмәгән каеш өчен штраф — 1000 сум.