Алдартазларны баеталар

Алдартазлар әллә нинди яңалыклар уйлап тормый, аларның иске ялганнарына әле дә ышанучылар җитәрлек. Имештер, банк хезмәткәре шалтырата да, сезнең исемгә кемнәрдер кредит алырга җыеналар, дип куркыта. Шалтыратучы әйтүенчә, алдартазларга бу акчаны бирмәс өчен, шуның кадәр суммада кредит рәсмиләштерергә һәм ул алынган акчаны алар күрсәткән «имин счетлар» га күчерергә кирәк. 

Безнең шәһәрдәш кебек беркатлы ышанучан кешеләр җитәрлек икән әле. Казан гимназиясенең 43 яшьлек укытучысы аферистларга 7 миллион сумнан артык, Чаллыдан 62 яшьлек шәфкать туташы 3,5 миллион сумнан артык акча күчергән.