Түбән Камада 1 сентябрьдә капиталь ремонттан соң 4 мәктәп ачылды

Түбән Кама мәктәпләрендә Белем көненә багышланган тантаналы линейкалар узды. Бүген капиталь ремонттан соң дүрт мәктәп үз ишекләрен ачты: 7нче, 19нчы, 21нче һәм Бакый Урманче исемендәге 2нче гимназия.

Татар гимназиясе, 19нчы мәктәп һәм кадет корпусы линейкаларында мэр Рамил Муллин катнашты.

Татарстан икътисад министры урынбасары Юлай Миңнуллин 21 һәм 7 нче мәктәп линейкаларында чыгыш ясый. Шулай ук ул бүген 36нчы мәктәптә ачык дәрестә катнашачак.

Бүген Түбән Кама мәктәпләренә 34 560 бала китте, шуларның 3,9 меңе — беренче сыйныф укучылары.