Түбән Камадан җибәрелгән гуманитар ярдәм МХОдагы хәрбиләргә килеп җитте

Ял көннәрендә Түбән Камадан махсус операция урынына җибәрелгән гуманитар йөк адресатларга барып җитте.

Безнең сугышчылар фураларны алдан килешкән урында каршы алды. Йөкне тиз арада бушаттылар. Аннары шыплап тутырылган «Уазик»лар турыдан-туры подразделениеләргә юнәлде.

Исегезгә төшерәбез, ярдәмне җыюда хәрби диңгез флоты ветераннары һәм Түбән Кама эшкуарлары катнашты. Шулай ук әйберләрнең бер өлеше НТР медиахолдингы тарафыннан җыелган иде. Йөкне махсус операция урынына җиткерүдә Дәүләт Думасы депутаты Айдар Метшин ярдәм итте.

«Барысы өчен дә рәхмәт! Түбән Кама эшкуарларына, диңгез флоты ветераннарына рәхмәт! Гомумән, барысына да зур рәхмәт», — диде сугышчыларның берсе гуманитар йөк җибәрүчеләргә.