Түбән Камада волонтер хатын-кызлар солдатлар өчен йон оекбашлар бәйли

Түбән Каманың 36 һәм 37 нче микрорайоннары волонтерлары безнең солдатларга ярдәмгә үз өлешләрен кертә. МХО башланганнан бирле бу хатын-кызлар хәрбиләр өчен җылы әйберләр бәйлиләр һәм тегәләр.

«Мин гомерем буе һөнәрчелек белән шөгыльләнәм, бу эшне яратам. Без егетләребез исән-сау һәм җиңү белән әйләнеп кайтсын дип дога кылабыз», — дип билгеләп үтте волонтер Наҗия Хисмәтова.

Микрорайоннарда яшәүче хатын-кызларның «Осталар шәһәре» берләшмәсе баштан ук волонтерлык эшчәнлеге белән шөгыльләнә. Җепләрне җирле депутат сатып алырга ярдәм итә. Шул вакыттан бирле хатын-кызлар даими рәвештә җылы оекбашлар, перчатка һәм свитерлар бәйлиләр. Ә «Гренада» яшүсмерләр клубы тәрбияләнүчеләре балаклавалар тегәргә ярдәм итә.

«Алга таба әзер әйберләрне җыябыз һәм шәһәрдән гуманитар ярдәм итеп җибәрәбез», — дип сөйләде 36 һәм 37 нче микрорайоннарның СТОС рәисе Жанна Кленкова.

Җавап итеп солдатлар Түбән Камага рәхмәт әйтәләр. Активист ханымнар солдатлар өчен гуманитар ярдәм җыюны дәвам итәргә ниятли.