Түбән Кама районында хәйрия аукционы оештырылды

Татарстанның Түбән Кама районы Кама Аланы шәһәр тибындагы поселогында инвалидлар декадасы кысаларында традицион хәйрия аукционы узды. Бу хакта район хакимиятенең матбугат хезмәте хәбәр итә.

«Йөрәк өчен иң җылы кием — игелек. Традиция буенча, декабрь башында без сәламәтлек мөмкинлекләре чикләнгән балаларга ярдәм итү өчен хәйрия аукционы үткәрәбез», — дип яза оештыручылар.

Аукцион барышында барлыгы йөз мең сумнан артык акча җыелган. Акчаның бер өлеше продукция авторларына биреләчәк, ә калганнары өчен балалар өчен яңа ел бүләкләре сатып алыначак.

«Аукционда катнашучыларның барысына да игелекле йөрәкләре өчен чын күңелдән рәхмәт белдерәм. Балаларыбызны сөендерергә мөмкинлек биргәнегез өчен рәхмәт», — диде Кама Аланы башлыгы Ринат Сәлахетдинов.