Махсус хәрби операция урынындагы Түбән Кама сугышчылары гаиләләреннән шәхси посылкалар алды

Дәүләт Думасы депутаты Айдар Метшин, махсус операциядә катнашучы түбәнкамалыларга исемле посылкалар китерүдә ярдәм итте. Бу үтенеч белән аңа сугышчыларның туганнары мөрәҗәгать иткән.

Бу хакта шәһәрнең элеккеге башлыгы үзенең телеграм-каналында сөйләде.

«Бүген, туганнары үтенече буенча, 1232 нче полкта хезмәт итүче Түбән Кама сугышчыларына исемле посылкалар белән гуманитар йөк китерелде. <...> 1232 нче полкта 300дән артык Түбән Кама егете хезмәт итә», — дип язган Айдар Метшин.

Ул шулай ук бизнесмен һәм шәһәр Советы депутаты Рафис Мостафинга ярдәме өчен рәхмәт белдерә.