Үзе татар булмаса да

Шәһәребездәге 68нче балалар бакчасы тәрбиячесе Кристина Кузьмина "Мин татарча сөйләшеп эшлим" дигән республика конкурсында җиңде.

Үзе татар булмаган тәрбиячеләр өчен бу конкурс Арчада оештырылган иде. Түбән Кама вәкиле анда үзенең татарча әйбәт белүен күрсәтеп, барлык сынауларны уңышлы узды һәм хаклы рәвештә җиңүче дип табылды. Татарлар арасында да туган телләрендә сөйләшә һәм укый белмәүче мәхлуклар күп булган хәзерге заманда, Кристина Валерьевнага сокланып кына карарга мөмкин.