Яңалыклар

Тагын ике йорт төзелә

Бу елда Түбән Уратма һәм Шәңгәлче авылларында участок полицейскийлары өчен йортлар төзелергә тиеш.

Участковыйлар яши дә, эшли дә торган андый офис-йортлар соңгы ике елда районыбызның дүрт авылында төзелде инде. Мондый чара Түбән Кама эчке эшләр идарәсен кадрлар белән тәэмин итү өчен күрелә (участковый булып эшләргә теләүчеләр - хәзерге вакытта аеруча «дефицит»).

Сорарга теләсәгез...

Салымнар түләүгә бәй-ле сорауларыгыз булса, сезгә Татарстан Респуб-ликасы баш федераль инспекторының Түбән Камадагы җәмәгать кабул итү бүлмәсе ярдәм итә ала.

Биредә 29 гыйнварда (15.00 - 17.00) Түбән Кама салым инспекциясе вәкилләре гражданнарны кабул итәчәк. Адрес: Актүбә урамы, 6нчы йорт, 111нче кабинет. Алдан телефоннан (36-05-62) шалтыратып, язылып куярга кирәк, дип хәбәр итә җәмәгать кабул итү бүлмәсе җитәкчесе Т.Трошина.

Депутатлар игътибарына

29 гыйнварда 16 сәгатьтә Советлар йортының кече залында шәһәр советының XXXVIII сессиясе була.

Көн тәртибендә: 1. Түбән Кама муниципаль районының Түбән Кама шәһәре Уставына үзгәрешләр һәм өстәмәләр кертү турында. 2. Төрле мәсьәләләр.