Владимир Путин 2023 елда бюджет хезмәткәрләренең хезмәт хакын арттырырга кушты

Россия Президенты Владимир Путин Министрлар Кабинетына 2023 ел башында бюджет хезмәткәрләренә хезмәт хакын арттырырга кушты. Бу документ Кремль сайтында чыкты, дип яза РИА Новости.

«Россия Федерациясе Хөкүмәтенә РФ субъектларының башкарма хакимияте органнары белән берлектә: 2023 ел башында бюджет өлкәсе учреждениеләре хезмәткәрләренә хезмәт өчен түләү фондын, 2022 ел нәтиҗәләре буенча, икътисад өлкәсендә эшләүче хезмәткәрләрнең уртача айлык хезмәт хакының үсеш темпыннан чыгып, арттырырга», — диелә документта.

Президент шулай ук киләсе ел дәвамында хезмәт хакларын корректировкалауны тәэмин итәргә кушты.