Түбән Камада контракт буенча хәрби хезмәткә чакыру пункты ачылды

1 августтан Түбән Каманың Мәктәп бульварындагы Күпфункцияле үзәктә контракт буенча хәрби хезмәткә чакыру пункты ачылды. Бу хакта хакимиятнең матбугат хезмәте хәбәр итә. 

Медицина комиссиясен узучы булачак хәрбиләр өчен уңайлы шартлар тудырылган. Пункттагы белгечләр документларны рәсмиләштерүдә ярдәм итәчәкләр, шулай ук ташламалар турында да сөйләячәкләр.

Пункт көн саен 08:00 дән 15:00 сәгатькә кадәр төшке ашсыз һәм ял көннәрсез эшли. РФ Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында күбрәк heroes-tatarstan. ru. сайтында белергә мөмкин.