Түбән Камада бер атна эчендә 56 бала дөньяга килгән

Түбән Кама перинаталь үзәгендә бер атна эчендә 56 бала туган. Шуларның 14е — башка шәһәрнекеләр, дип хәбәр итә шәһәр балалар хастаханәсенең матбугат хезмәте.

Моннан тыш, хатын-кызлар консультациясендә 1,25 меңгә якын йөкле хатын-кыз исәптә тора, ә яңа туган һәм вакытыннан алда туган балалар патологиясе бүлегендә 21 бала һәм унөч әни дәвалана.

Бер атна эчендә шәһәр балалар хастаханәсенең кабул итү бүлмәсенә — 373, ә перинаталь үзәкнең кабул итү бүлмәсенә 89 мөрәҗәгать кабул ителгән. Өстәвенә, 252 бала ОРВИ диагнозы белән хастаханәгә килгән һәм 377 пациент травмпункт табибларына ярдәм сорап мөрәҗәгать иткән.

Шулай ук хәзерге вакытта стационар дәвалауда 258 пациент бар.