Түбән Камада 8 кеше юл һәлакәтенә эләккән, тагын икесе пешкән

Узган атнада Түбән Кама үзәк хастаханәсенең ашыгыч ярдәм бригадалары авырулар янына 1 089 тапкыр чыккан.

7 — 13 августка кадәр юл-транспорт һәлакәтендә 8 кеше зыян күргән, тагын икесе пешкән, дип хәбәр итә хастаханәнең матбугат хезмәте.

Инфаркт белән — 16, ә инсульт белән сигез пациент хастаханәгә озатылган. Шулай ук 113 кеше көнкүрештә һәм урамда төрле җәрәхәтләр алган. Респиратор авыру билгеләренә зарланып 76 кеше мөрәҗәгать иткән.

Бер атна эчендә хастаханәгә 442 пациент китерелгән, шуларның 198е госпитализацияләнгән. Калганнарга медицина ярдәме кабул итү бүлмәсендә күрсәтелгән.