Тәкъдимнәре бар-барын...

Шушы көннәрдә, Түбән Камада белгечләр катнашында эшлекле утырыш узды. Татарстанның экология һәм табигый ресурслар министры Александр Шадриков җитәкчелегендә узган бу киңәшмәдә сүз, атмосферада пычрану дәрәҗәсен киметү, медицина-санитар паспортизация проекты турында барды. Проект республика җитәкчелеге ярдәме белән тормышка ашырылыр дип көтелә.
Шулай ук, шәһәргә экологик йөкләнешне киметү буенча план төземәкче булалар. «Пычратучы матдәләрне ачыклау өчен төрле ысуллар кулланыла. Бәлки кайбер урыннарга махсус датчиклар куярбыз. Безнең конкрет тәкъдимнәребез дә бар, мәсәлән, агынты суларны чистарту яки юкка чыгару юллары», – дип аңлатты, Россия фәннәре академиясенең химия һәм материаллар фәннәре бүлеге академик-секретаре Михаил Егоров.