Түбән Кама муниципаль районының Иҗтимагый советы рәисе Конституциягә төзәтмәләр кертү буенча тавыш бирде.

"Иҗтимагый советтан кайбер әгъзалар үз инициативасы белән сайлау участокларында күзәтүче буларак катнаша.  Күзәтүчеләр 25 июньнән эшли башлады, күчмә участокларны да карап чыктылар, фатирларга керделәр", – диде Хәмзә Баһманов.
Тавыш бирү вакытында Хәмзә Баһманов Түбән Кама мэры Айдар Метшин белән дә очрашкан. “Мин бүген иртән үзем тавыш бирәчәк һәм шунда ук җәмәгать күзәтүчесе буларак сайлау участогына килдем. Айдар Метшин белән дә сайлау участогы каршында очраштык, ул да иртәнге сигезгә килде", ­– ди Хәмзә әфәнде.
Хәмзә Баһманов узган гасырның 90 нчы еллар ахырында "ТАНЕКО" сәнәгать гиганты төзелешен җитәкләгән, шулай ук шәһәр Советы депутаты булган, Түбән Каманың Мактаулы гражданины. Хәзерге вакытта ул Түбән Камада яши һәм җәмәгать эшендә актив катнаша.

Фото https://www.e-nkama.ru/news/ сайтыннан алынды