КФУ метеорологы июль аенда аномаль эсселек турында кисәтте

Татарстанга аномаль эссе көннәр килде. Бу атнада уртача тәүлеклек температурасы климат нормасыннан 4-5 градуска югарырак. Бу хакта Казан федераль университеты профессоры, география фәннәре докторы Юрий Переведенцевка сылтама белән «Татар-информ» хәбәр итә.

Метеоролог сөйләгәнчә, хәзер һава температурасы норма буенча 20 градус булырга тиеш. Көндез термометр баганалары 32 градуска кадәр күтәреләчәк.

Алдагы көннәрдә температура күтәреләчәк кенә. ТР Гидрометүзәге фаразлавынча, ял көннәренә һава температурасы көндез +35 градуска җитәчәк.