Чыршылар - язга кадәр

Шәһәребез тарихында беренче мәртәбә, чыршы мәйданчыклары 2 мартка кадәр балкып торачак.

Түбән Кама җитәкчелеге чыршы мәйданчыклары өчен җаваплы булган предприятиеләргә шундый тәкъдим белән чыккан һәм бу мәсьәләдә алар белән уртак тел тапкан. Муниципаль район башлыгы, шәһәр мэры Айдар Метшин әйтүенчә, матурлык ягыннан Европа илләрендәге белән чагыштырганда бер дә ким булмаган безнең чыршы мәйданчыклары киләсе елларда да балаларны һәм зурларны гадәттәгедән озаграк вакыт шатландырыр.