Бәйрәмгә – Түбән Уратмага

30 декабрьдә кичке сәгать 6да Түбән Уратма авылы мәдәният йортында, Казан җырчылары Илнар Сәйфиев һәм Эльмира Сөләйманова катнашында, зур бал-маскарад уздырыла.

Яңа елга багышлап, чыршы янында уздырыла торган бу бәйрәмгә Түбән Уратманың үзендә һәм, шулай ук, шәһәрдә яшәүче барлык авылдашларын, дус-ишләрен, туганнарын көтәләр. Авыл җирлеге башлыгы Айрат Гарифуллин бал-маскарадка иң кызыклы, иң матур һәм үзенчәлекле костюмнардан килүчеләргә сюрприз-бүләкләр биреләчәген дә әйтте. Шулай булгач, барыгыз да я ел билгесе булган куй яки башка хайван, әкият геройлары, клоуннар һ.б. булып киенеп килсәгез, һич тә үкенмәссез.