Безнең дә бәйрәм булды

Түбән Кама журналистлары үзләренең һөнәри бәйрәмен - Татарстан Республикасы матбугаты көнен быел «Чайка» ял базасында билгеләп үттеләр.
Анда хезмәт алдынгыларына Түбән Кама муниципаль районы башлыгының Рәхмәт хатлары тапшырылды (бүләкләнүчеләр арасында «Туган як» газетасы баш редакторы урынбасары Фирая Мофаздал кызы Моратова да бар), спорт ярышлары, концерт һ.б. күңел ачу чаралары үткәрелде. Бу бәйрәмне оештырганы һәм үзе дә башыннан ахырына кадәр журналистлар арасында булганы өчен, муниципаль район башлыгының аппарат җитәкчесе Роберт Зөфәр улы Гариповка рәхмәтебез зур.