Белгеч Татарстанга ни өчен көчле салкыннар килмәвен аңлатты

Соңгы елларда кышкы чорда Татарстандагы һава торышына еш кына Атлантик циклон йогынты ясый. Шуңа күрә дә Татарстанда 40 градуслы салкыннар күзәтелми. Бу хакта КФУ профессоры, география фәннәре докторы Юрий Переведенцевка сылтама белән «Татар-информ» хәбәр итә. 

Белгеч сүзләренчә, Казанда 40 градуска җиткән салкыннар соңгы тапкыр 1979 елда булган. Аннан соң инде 40 елдан артык вакыт узды, шуннан бирле зәмһәрир салкыннарның булганы юк. 

Переведенцев сүзләренчә, элегрәк Арктикадан салкын һава үтеп кергән, төбәк территориясендә ай ярым-ике ай буе Себер антициклоны хакимлек иткән. Хәзер бу сирәк күзәтелә.