Түбән Кама районы буенча Җиңү көненә багышланган автомотоузыш 3 майда узачак

Өченче майда Түбән Кама районында Советлар Союзы Геройлары һәм орденнарның тулы кавалерлары туган һәм яшәгән торак пунктлар буенча автомотоузыш узачак.

32 автомобиль Прости, Каенлы, Смыловка, Иске Чишмә, Кармалы, Елантау авыллары буенча йөреп чыгачак.

Аларның һәрберсендә чәчәкләр салу тантанасы һәм истәлекле митинглар уздыру планлаштырыла.

«Геройлар үткән юллар буйлап» традицион автомотоузыш Җиңү көненә багышлана. Узган ел анда йөздән артык кеше катнашты.

Моңа кадәр ТАТАР LIFE Бөек Җиңүнең 78 еллыгын бәйрәм итү программасын тәкъдим иткән иде.