Түбән Камада Химиклар көнендә Элвин Грей чыгыш ясаячак

Түбән Кама башкарма комитеты Химиклар көнен бәйрәм итү афишасын бастырып чыгарды.

Исегезгә төшерәбез, бәйрәм Нефтехимиклар паркында узачак. Чара 14 сәгатьтә сәләтле балалар фестивале белән башланачак.

17.00 — 17:25 сәгатьләрдә «Нижнекамскнефтехим» иҗат коллективлары концерты булачак, 17:30 сәгатьтә бәйрәм программасын рәсми ачу һәм бүләкләү тантанасы башланачак.

18 00 сәгатьтә НКНХ коллективлары концерты дәвам итәчәк, аннан соң флешмоб, химик шоу һәм Weekend кавер-төркеме чыгышы булачак.

20:15 сәгатьтән 21 сәгатькә кадәр сәхнәдә Элвин Грей җырлаячак.

Химиклар көне салют һәм кечкенә дискотека белән тәмамланачак.
Фото: җырчының VK социаль челтәрендәге бите vk.com/elvingrey