Түбән Камада Әниләр көненә конкурс игълан иттеләр

Түбән Камада Әниләр көненә багышланган «Кайгыртучан әни» («Заботливая мама») дигән яңа бәйге башланды.

«Юл хәрәкәте иминлеге» оешмасының Түбән Кама бүлекчәсе башлыгы Илсөя Сафонова сөйләвенчә, анда катнашучыларга яктылыкны кире кайтара торган элементлар әзерләргә кирәк булачак.

Барлыгы ике тур була: сайлап алу һәм кара-каршы. Катнашу өчен 18 ноябрьгә кадәр кием-салым, аксессуар, яктылыкны кире кайтара торган элементлары булган балалар транспорты фотоларын җибәрергә кирәк.

Конкурста 16 яшькә кадәрге балалары булган гаиләләр катнаша ала. Кагыйдәләр белән тулырак нигезләмәдә танышырга була.

Сайлап алу турында җиңүчеләр конкурсның финалына чакырылачак, ул 22 ноябрьдә «Ковер» яшьләр үзәгендә узачак.