Өлкәннәрне куандырып

Бу хатны күптән язарга йөрсәк тә, әле генә өлгердек. Максатыбыз - соң булса да, уң булсын, дигәндәй, шәһәребездәге «Талир тәңкә» ансамбленә рәхмәт әйтү иде.

Узып киткән ел ахырында ветераннар йортына килеп, алар биредә яшәүче ялгыз әби-бабайлар алдында чыгыш ясадылар. Клара Дәүләтова оештырган бу ансамбль концерты барыбызга да бик ошады. Нургали Дәүләтшин, Кәүсәр Камалиев, Флүр Гайнемөхәммәтов гармунда уйнап җырладылар, Гөлфирә, Рания, Корбанбикә ханымнар башкаруындагы моңлы җырлар да күңелебезгә хуш килде. «Талир тәңкә» белән яңа очрашуларны көтеп калабыз.