Түбән Камада «матур дата»да 11 яңа гаилә барлыкка килде

Түбән Камада 2024 елның 24 октябрендә унбер пар законлы никахларын теркәгән.

Түбән Кама районы ЗАГС идарәсе матбугат хезмәтендә сөйләүләренчә, көзге һава торышы үзгәреп торуга карамастан, тантана бәхет һәм романтика атмосферасында узган.

«Яңа өйләнешүчеләрне шушы истәлекле көн белән котлыйбыз! Гаилә тормышы җылылык, яктылык һәм үзара аңлашу белән тулы булуын телибез», — диләр ЗАГС хезмәткәрләре.

Фото: Түбән Кама ЗАГС идарәсенең матбугат хезмәте