Түбән Камада гаиләдә алтынчы булып туган балага исем кушу тантанасы узды

Түбән Кама ЗАГСында исем кушу тантанасы булды. Айнур — күп балалы Хәкимовлар гаиләсендә алтынчы бала булып туган. 

ЗАГС идарәсе белгечләре баланың әти-әнисенә Татарстан Республикасы Рәисеннән котлау адресын тапшырдылар.

Шулай ук «Мин Түбән Камада тудым» муниципаль проектын тормышка ашыру кысаларында Татарстан Республикасында Кеше хокуклары буенча вәкаләтле вәкилнең җәмәгать кабул итү бүлмәсе ярдәме белән гаиләгә бала кирәк-яраклары тутырылган тартма бүләк иттеләр.