Түбән Кама районындагы фатирда яшүсмер 17 яшьлек абыйсының үле гәүдәсен тапкан

Түбән Кама районының Кама Аланы шәһәр тибындагы поселогында 2023 елның 29 декабрендә 17 яшьлек яшүсмернең гәүдәсе табылган.

Яшәү билгеләре булмаган егетне кичке сигезенче яртыда 1/18а йортында табалар. НТР 24 каналына үз чыганакларыннан билгеле булганча, аны энесе тапкан.

Хокук саклау органнары һәлак булган егетнең тәнендә көч куллану билгеләре тапмаган. Шаһитлар әйтүенчә, егет газ баллончигын сулаганнан үлгән булырга мөмкин.