Түбән Кама районында ВАЗ йөртүчесе баганага бәрелеп һәлак булган

Түбән Кама районы Кама Аланы поселогында үлем белән тәмамланган авария булган. Бу хакта вакыйга урыныннан НТР 24 хәбәрчесе хәбәр итә.

Вакыйганың нечкәлекләрен телеканалга ЮХИДИда сөйләделәр. ВАЗ-2107 автомобилен йөртүче 1980 елда туган кеше 1/16 йорт ягыннан Пионерная базасы юнәлешендә хәрәкәт итә, каршы хәрәкәт полосасына чыга, идарә итүне югалта һәм баганага бәрелә. Алынган җәрәхәтләрдән ул вафат була.

Юл-транспорт һәлакәте урынында тикшерү-оператив төркем эшли, авариянең барлык шартлары ачыклана.