Түбән Кама район хастаханәсе табиб-патологоанатомы Александр Клименко вафат

Бу хакта хастаханәнең матбугат хезмәте хәбәр итә.

Александр Дмитриевич 38 ел һөнәренә багышлаган. Лаеклы ялга ул 2018 елда киткән.

Клименко укытучылар гаиләсендә туган, әмма үз һөнәре итеп медицинаны сайлаган. Александр Дмитриевичның тормыш иптәше физиотерапевт булып эшли. Бергә алар медицина династиясенә нигез сала – аларның улы атасы кебек патологоанатом. Хезмәттәшләре сөйләвенчә, ул тәҗрибәле табиб, игътибарлы һәм игелекле кеше иде.

Александр Дмитриевич белән хушлашу иртәгә, 1 октябрь көнне, 9.00 сәгатьтә Актүбә урамы, 9Б адресы буенча урнашкан Түбән Кама район үзәк күптармаклы хастаханәнең моргындагы матәм залында була.