8 февраль 2019 яңалыклары
-
Күрше авылдан да килделәр
Олы Аты авылында православие динен тотучыларның иң олы бәйрәмнәренең берсе – Кач ману бәйрәме узды. Башта, Федор Умнов җитәкчелегендә, авылыбызның уңган ир-егетләре күлдәге бозны кисеп, тигезләп коену урыны әзерләделәр, баскычлар куйдылар, янында чишенеп-киенү урыны ясадылар.
-
Түбәнкамалылар ашыкмый
Татарстанда «Өлкән кешеләрне тәрбиягә алырга теләүче гаиләләр» («Приёмная семья для пожилого человека») проектын тормышка ашыру дәвам итә. Хәзерге вакытта анда 34 гаилә катнаша. Тәрбиягә алу буенча Зәй шәһәре беренче урында тора – анда өч гаилә өлкән яшьтәге кешеләрне үз канатлары астына алган. Ә менә Түбән Камада әлегә берәү дә теләк белдермәгән.
-
Белешмә алыйм дисәң
Хөкемгә тартылу-тартылмау турында белешмә алу өчен бүген озын чиратларда тору кирәкми. Гаризаны Дәүләт һәм муниципаль хезмәтләренең бердәм порталында бирергә була.
-
«Киңәш капчыгы»
Әлеге дә баягы Сәйфи бабай таягы, дигәндәй, тагын шул интернетка кереп чумдым инде. Анда тагын бер-ике кызык нәрсә таптым. Беренчесе, кишерне чәчкәндә, кофе кушып чәчәргә дигән. Кофе кишер өчен бик файдалы, имештер. Ком, акбур кушарга кирәклеген ишеткәнем бар иде – ә монысы минем өчен яңалык. Бәлки кемнең дә булса ишеткәне, кулланып караганы булгандыр. Ярый торган эшме икән, яз җитүгә сынап карарбыз.
-
«Бәрәңге ашап, тәгәрәп үстек»
Якташыбыз Рамил Әсхәдуллинның бу җырын күпләребез яратып тыңлый. Иллә дә дөрес әйткән бит, без – бәрәңге ашап үскән халык. Бәрәңге ашап, тәгәрәп үстек: авырмадык та, симермәдек тә. Татар халкының кайсы гына ризыгын алсак та ит белән бәрәңге, суган бар. Шулай булгач, бәрәңге хаклы рәвештә бакчаның күп өлешен алып тора. Бу «икенче икмәк» хакында бер язган булсак та, кыскача гына тагын бер искә алып китик әле.
-
Тагын якынлаша
Кышның уртасы гына, ә күңел инде язны көтә, бакчага ашкына. Үч иткәндәй, интернетта да кая гына күз салма – әле бер, әле икенче киңәш биргән булып, халыкны котыртып яталар. Аларның киңәшләрен дә әйтер идем инде... әллә чын язалар, әллә ялган. Анда язылган сүзләрне укып, язылганча эшләп караган бар анысы. Тик файдасын гына күргән юк.
-
Профилактик чаралар турында онытмагыз!
Россиядә грипп авыруы көчәю ачыкланган. Илнең берничә өлкәсендә карантин игълан ителгән инде. Бу хакта, шулай ук Түбән Камада әлеге хәлнең торышы турында журналистларга сәламәтлек саклау идарәсендә узган очрашуда җиткерделәр.
-
Киллер Гамбәл
Маҗара эзләп, ник кибет тирәсенә килеп чыкканмындыр инде, белмим, шәһәрдән ялга кайткан сыйныфташым Гамбәлне очраттым.
