Түбәнкамалыларга татар гимназиясендәге үзгәрешләрне күрсәттеләр

Түбән Камада Бакый Урманче исемендәге 2 нче гимназияне капиталь ремонтлау дәвам итә.

Ремонт быел сентябрьгә тулысынча тәмамланачак, дип хәбәр итә шәһәр хакимиятенең матбугат хезмәте.

Барлык эшләр дә милли колоритта башкарыла. Яңартылган гимназиядә балалар өчен барлык шартлар да тудырылачак: сәнгать мәктәбе заллары җиһазландырылачак, өч спорт залы һәм ике бассейн ремонтланачак, шулай ук бульвар һәм гимназия бинасына якын территория төзекләндереләчәк.

«Мәктәп заманча таләпләргә туры килер өчен яңартуны таләп итте. Бала үзен сөендерә һәм илһамландыра торган киңлектә үсәргә тиеш», — дип билгеләп үтте Түбән Кама мэры Рамил Муллин.