Түбәнкамалыларга язгы бозга керүнең куркыныч булуы турында искәртәләр

Түбәнкамалыларга язгы бозга керүнең куркыныч булуы турында искәртәләр. Шуңа күрә шәһәр халкына бозга кермәскә һәм балаларга анда уйнарга рөхсәт итмәскә киңәш ителә. Шулай ук балаларга юка бозның куркыныч булуын аңлатырга, боз ватылып төшеп киткән очракта үз-үзеңне тоту кагыйдәләре турында сөйләргә кирәк.

Бозның ныклыгын күз белән чамаларга да мөмкин: зәңгәр яки яшькелт төсмерле үтә күренмәле боз нык була, ә аксыл боз чыдамсыз. Иң куркынычлары — соры, аксыл һәм сары төстәгеләре.