Түбәнкамалылар МХО зонасына җылы әйберләр белән посылкалар җибәрделәр

Түбән Каманың 26 нчы һәм 30 нчы микрорайоннарында яшәүчеләр МХО сугышчылары өчен чираттагы гуманитар ярдәм партиясе җыйдылар.

Посылкаларга иң кирәкле әйберләрне: медикаментлар, чәй, конфетлар, эчке киемнәр, аяк грелкалары, бияләйләр һәм хатлар салдылар.

Акциядә күбесенчә пенсионерлар катнашты.

«Безнең посылкалар сугышчыларга туган йортыбыз, безнең кайгыртуыбыз һәм мәхәббәтебез турында искә төшереп торсын. Без бергә!» — диде ТИҮС рәисе Фәйрүзә Бачинина.