Түбәнкамалылар мәгариф мәсьәләләре буенча сорауларын «кайнар линия» аша бирә алачак

Иртәгә, 2 июньдә, түбәнкамалылар «кайнар линия» телефоны аша мәгариф мәсьәләләре буенча киңәшләшә алачак.

«Мәрхәмәт — Милосердие» Татарстан Республикасы Дәүләт Советы хатын — кыз депутатлары берләшмәсе һәм Татарстан Республикасында Кеше хокуклары буенча вәкаләтле вәкил Сәрия Сабурская мәгариф мәсьәләләре буенча «Хатын-кыз игътибары» телефон кайнар линиясен оештыралар.

10-15 сәгатьләрдә Түбән Кама халкы мәктәпкәчә белем бирү оешмаларына, мәктәпләргә (1 һәм 10 сыйныфларга), урта махсус уку йортларына, югары белем бирү учреждениеләренә кабул итү, җәйге ялны оештыру һәм башка темаларга сораулар бирә алачак.

Кайнар линия телефоннары: 8(843) 236-00-71, +7(939)345-37-50 (WhatsAppта сораулар бирү өчен).