Түбән Каманың барлык йортларында кайнар су бирү туктатыла

Түбән Камада барлык магистраль җылылык үткәргечләрдә гидравлик сынаулар узачак, алар барышында шәһәрнең барлык торак йортларына кайнар су бирү туктатылачак. Бу хакта хакимиятнең матбугат хезмәте хәбәр итә.

Түбән Каманың магистраль җылылык челтәрендә 19 август көнне 00:00 сәгатьтән алып, 21 август — 8:00 сәгатькә кадәр Город — 1, 2, М-3 җылылык үткәргечләрен суыту булачак, 21 август көнне 8:00 сәгатьтән алып, 29 август 24:00 сәгатькә кадәр ныклыкка һәм тыгызлыкка гидравлик сынаулар үткәреләчәк.

Эшләр 29 августта тәмамлана.