Түбән Камада Вахитов проспектындагы шартлаудан җимерелгән йортны торгызу эшләре башланды

Пәнҗешәмбе, 27 июльдә, Түбән Камада көнкүреш газы шартлаудан һәм янгыннан зыян күргән йортны торгызу буенча эшләр башланды.

Вахитов проспектындагы 11 нче йортның сигезенче подъездында нигезне ныгыту һәм аның киләчәктә ныклыгын тәэмин итү өчен подвал бинасын бетонлыйлар.

«Бу минутка инде дүртенче машина килде, 30 кубометрдан артык бетон салынды. Барлыгы 90 кубометр кирәк булыр», — дип хәбәр итте Рамил Муллин.

Исегезгә төшерәбез, кичә шартлаудан соң янгын чыккан урынга Чаллыдан махсус комиссия килде. Белгечләр экспертиза үткәрделәр, шулай ук йортның техник торышын бәяләделәр.