Түбән Камада уку елы башланыр алдыннан балалар бакчаларын тикшерәләр

Түбән Камада балалар бакчаларын тикшерү башланды. Махсус комиссия яңа уку елына әзерлекне берничә пункт буенча өйрәнә.

Белгечләр видеокүзәтү системасының эшен, ашыгыч хезмәт телефоннарының булуын карыйлар һәм видеокүзәтү камераларыннан алынган язмаларның архивын тикшерәләр.

Комиссия 1 августтан 10 августка кадәр эшли. Түбән Камада хәзерге вакытта 73 балалар бакчасы бар, аларны тикшерүгә 5 көн бирелә. Тагын 3 көн — Кама Аланы һәм Түбән Кама районы учреждениеләренә. Балаларның тормышы һәм сәламәтлеге — иң мөһиме. Мәктәпкәчә белем бирү идарәсе башлыгы сүзләренчә, ачыкланган кимчелекләр тиз арада төзәтелә.