Түбән Камада тагын бер «Музейлар төне» акциясенең программасы билгеле

18 һәм 20 майда Түбән Каманың ике музеенда ел саен үткәрелә торган «Музейлар төне» халыкара акциясе узачак. Бу хакта шәһәр хакимиятенең матбугат хезмәте хәбәр итә.

20 майда акция Кызыл Чишмә бистәсе, Яр буе урамы, 6 адресы буенча урнашкан Әхсән Фәтхетдинов исемендәге музейда узачак.

Күңел ачу программасы 12 сәгатьтән соң башланачак. Программада:

14:00-19:00 — «Шкатулка сокровищ» циклыннан мультфильмнар күрсәтү;
15:00-19:00 — «Халык иҗаты» мастер-классы;
18:00 сәгатьтән «Шүрәле — Әхсән Фәтхетдиновның яраткан образы» экскурсиясе башлана;
18:00-21:00 — «бию пятачогы»;
18:30-20:30 — «Шүрәле» мастер-классы;
19:00-20:30 — «Су анасы» фильмын карау.

Чара утлы шоу белән тәмамланачак, ул кичке сәгать тугызда башланачак.