Түбән Камада шашлык кыздыру тыелган урыннар исемлеге билгеле

Янгынга каршы махсус режим вакытында район территориясендә ачык утта ризык пешерү һәм пиротехника куллану тыелган урыннар исемлеге билгеле булды. Исемлекне Түбән Кама районы буенча күзәтчелек эшчәнлеге һәм профилактика эшләре бүлеге бастырды.

Янгынга каршы махсус режим 17 апрельдән 10 майга кадәр дәвам итәчәк.

Торак пунктлар: Красный Ключ поселогы, Выгороженный Ключ авылы.

Балалар лагерьлары: «Чайка», «Юность», «Олимпиец», «Заря», «Камский Артек».

Бакча ширкәтләре: «Нефтехимик» бакчачылык кооперативы , «Смыловка», «Энергостроитель», «Здоровье» бакча ширкәте.