Түбән Камада Республика көненә чаралар программасы билгеле булды

30 августта Түбән Камада Татарстан Республикасы көне билгеләп үтеләчәк. Шәһәрлеләр өчен бай бәйрәм программасы әзерләнгән.

Иртәнге сәгать 10.00дә «Гаилә» паркында «Игелекле Түбән Кама» фестивале ачылачак. 10.20дә хәйрия ярышы узачак. Сәгать 13.00дә түбәнкамалылар өчен саф һавада зумба, стретчинг буенча күнегүләр узачак. 17 сәгатьтә сәхнәгә җирле артистлар чыгачак.

11 сәгатьтән Николай Лемаев исемендәге скверда китап ярминкәсе ачыла. Шулай ук барлык теләүчеләр өчен дә мастер-класслар узачак. 13-18 сәгатьләрдә Түбән Кама халкы төрле темаларга лекцияләр тыңлый ала.

17.30 сәгатьтә «Җәлил» театраль комплексында «Театр горожан. Нижнекамск» спектаклен күрсәтәчәкләр.