Түбән Камада «Мәктәпкә җыенырга ярдәм ит!» республика хәйрия акциясе башланды

Шәһәребездә «Мәктәпкә җыенырга ярдәм ит!» республика хәйрия акциясе башланды. 

Чара аз керемле, күпбалалы гаиләләргә, тәрбиягә алынган, физик мөмкинлекләре чикле балаларга ярдәм күрсәтү максатыннан ел саен үткәрелеп килә. Быел махсус хәрби операциядә катнашучыларның балаларына да булышу каралган. Теләгән һәркем балаларга ярдәм итә ала. 

Мәктәпкә кирәк булган уку кирәк-яракларын дүшәмбедән җомгага кадәр, 8:00-17:00 сәгатьләрдә Студентлар урамындагы 9 йортка алып килеп бирә аласыз. 

Белешмәләр өчен телефон: 41-71-95.