Түбән Камада «Мәктәпкә җыенырга ярдәм ит» акциясе башланды

Түбән Кама халкы аз керемле гаиләләргә балаларын яңа уку елына әзерләргә ярдәм итә ала. 1 августтан шәһәрдә һәм районда «Мәктәпкә җыенырга ярдәм ит» традицион акциясе старт алды. Бу хакта мәгариф идарәсе башлыгы Айдар Гарифуллин үз битендә хәбәр итте.

Мәктәп кирәк-яраклары И. Х. Садыйков исемендәге балалар һәм яшьләр иҗат сараенда (Тукай урамы, 21) эш көннәрендә 9дан 17 сәгатькә кадәр «Бердәм Россия» бүлегендә (Студентлар урамы, 9) кабул ителә. Шулай ук шәһәр һәм район мәктәпләренә мөрәҗәгать итәргә мөмкин.