Түбән Камада ЮХИДИ инспекторлары автобусларны тикшергәндә 36 хокук бозу ачыклаган

Түбән Кама дәүләт автоинспекциясе «Автобус» профилактик операциясенә нәтиҗә ясады.

Рейд вакытында 80нән артык автобус тикшерелгән һәм 36 хокук бозу очрагы ачыкланган, дип хәбәр итә ведомствоның матбугат хезмәте.

Иң киң таралган бозулар арасында: техник төзексезлек, куркынычсызлык каешларын эләктермәү, фараларны куллану кагыйдәләрен бозу.

Түбән Кама районында автобусларны күпләп тикшерү өченче майга кадәр дәвам итәчәк.