Түбән Камада яшәүче Раштуа көнендә өеннән чыгып киткән һәм хәбәрсез югалган

Җиденче гыйнварда Түбән Камада яшәүче Александр Перелыгин югала. Бу турыда «След» эзләү отряды хәбәр итә.

62 яшьлек ир-ат Шинчылар проспектындагы 17нче йорттан 16:30 тирәсендә чыгып китә һәм кире әйләнеп кайтмый. Шул вакыттан бирле ул элемтәгә чыкмый.

Юкка чыккан көнне ир-ат өстенә кара куртка һәм чалбар кигән, башында — кышкы кепка. Уң кулында татуировка ясалган.

Ир-атка медицина ярдәме таләп ителә. 

Югалган кешенең кайда булуы турында мәгълүматы булган кешеләрне 102, 8 (917) 261-91-71 телефоннары буенча шалтыратуларын сорыйлар.