Түбән Камада эшкәртелгән пластиктан ясалган дизайн әйберләре күргәзмәсе ачылачак

Түбән Камада Халык иҗаты йортында 22 ноябрьдә «Фантастик Пластик» экологик күргәзмәсе ачылачак. Бу хакта хакимиятнең матбугат хезмәте хәбәр итә.

Хәзерге заманда пластикның әһәмияте, аны эшкәртүнең яңа ысулларын эзләүнең мөһимлеге, эшкәртелгән пластикның алга таба куллану өчен никадәр эффектив булырга мөмкинлеге — бу һәм башка сорауларга «Фантастик Пластик» күргәзмәсендә катнашучылар җавап бирергә тырыштылар.

Рәссамнар, дизайнерлар һәм тикшерүчеләр үз эшләрендә ташландык материалдан (пластик шешәләр, капкачлар, иске реклама баннерлары) төрле әйберләр: кием, аксессуарлар, интерьер әйберләре һәм хәтта җиһазлар булдыру өчен универсаль материал булуын күрсәтәләр.

Күргәзмәне Мәскәү дизайн музее СИБУРның «Яхшы эшләр формуласы» социаль инвестицияләр программасы ярдәме белән оештыра. 2020 елдан экспозиция Россиянең иң яхшы мәйданчыкларында: Мәскәүнең Яңа Третьяковкасында, Түбән Новгород, Воронеж, Уфа, Томск музейларында һәм башка күренекле күргәзмә киңлекләрендә күрсәтелгән.

Күргәзмәгә керү һәм белем бирү программасының барлык чаралары ирекле. Экспозиция дүшәмбе һәм сишәмбедән тыш көн саен 10:00дән 18:00гә кадәр эшләячәк.