Түбән Камада балаларга алимент түләү мәсьәләсе буенча Бердәм кабул итү көне узачак

7 ноябрь көнне Түбән Камада суд приставлары хезмәте, прокуратура, Эчке эшләр идарәсе, Мәшгульлек үзәге, мәгариф идарәсе, опека бүлеге һәм социаль яклау органнары катнашында Бердәм кабул итү көне узачак. 

Шәһәрдәшләребез балаларга алимент түләү мәсьәләсе буенча үзләрен кызыксындырган сорауларны бирә алачак. 

Очрашу 15.00 сәгатьтә Мәктәп бульварындагы 2 а йортта (3 нче кат, актлар залы, Эшмәкәрлеккә ярдәм итү үзәге аша керергә) узачак. 

Түбәндә күрсәтелгән телефон буенча алдан язылырга мөмкин: 8 (8555) 42-46-63.