Түбән Камада балалар товарларының сыйфаты буенча «кайнар линия» эшли

Түбән Камада балалар товарларының, шулай ук мәктәп кирәк-яракларының сыйфаты һәм куркынычсызлыгы мәсьәләләре буенча «кайнар линия» эшли.
Консультацияне ТР Гигиена һәм эпидемиология үзәгенең Түбән Кама филиалы хезмәткәрләре үткәрәчәк, дип хәбәр итә шәһәр администрациясенең матбугат хезмәте.

Моның өчен түбәнкамалыларга 8 (8555) 41-54-55 телефон номеры буенча шалтыратырга кирәк. Шалтыратулар 8.00дән 17.00гә кадәр кабул ителә (12.00-13.00 — төшке аш вакыты).

«Кайнар линия» телефоны 25 августка кадәр эшли.