Түбән Камада җәмәгать транспортында йөрү 35 сумга кадәр кыйммәтләнергә мөмкин

Татарстан шәһәрләрендә 2024 елдан җәмәгать транспортында йөрү кыйммәтләнергә мөмкин. Мондый карар проектын Татарстанның тарифлар буенча дәүләт комитетында әзерләделәр.

Анда Түбән Камада, Чаллыда һәм Әлмәттә 2024 ел башыннан тарифның 5 сумга — 35 сумга кадәр артуы күрсәтелгән.

Шул ук вакытта шәһәр транспортында 100 тапкыр йөрү мөмкинлеген бирә торган билетны 2,5 мең сумга сатып алган очракта, автобуста бер тапкыр бару 25 сумга төшәчәк.